Futbol bo‘yicha Ispaniya La Ligasining 36-turida “Atletiko” 11-iyul, shanba kuni o‘z maydonida “Betis”ni qabul qildi.
Uchrashuvning dastlabki bo‘limi teng kurashlar ostida o‘tdi. 57-daqiqada maydon egalari Mario Ermosoning chetlatilishidan so‘ng bir o‘yinchi kam bo‘lib qoldi. Biroq mehmonlar bu ustunlikdan unumli foydalana olmadi.
74-daqiqada Diyego Kosta uchrashuvdagi yagona golga mualliflik qilib, madridliklarga g‘alaba olib keldi.
Ushbu g‘alabadan keyin “matraschilar”ning ochkolari 66 taga yetdi va jamoa uchinchi o‘rinda bormoqda. “Betis” (41) 13-pog‘onadan joy olgan.
La Liga
36-tur bahsi
11-iyul, shanba
“Atletiko” — “Betis” 1:0
Gol: 1:0 – 74 Diyego Kosta.“Atletiko”: Oblak, Ermoso, Savich, Tripper (Aryas, 42), Lodi, Tomas, Saul (Vitolo, 55), Lyorente (Ferreyra Karrasko, 55), Koke, Korrea (Felipe, 61), Morata (Diyego Kosta, 55).
“Betis”: Dani Martin, Bartra, Barragan (Emerson, 70), Sidney, Moreno (Telo, 83), Vilyam Karvalyu (Xoakin, 70), Rodriges, Kanales, Guardado (Pedrasa, 43), Fekir, Moron (Iglesias, 83).
Ogohlantirishlar: Savich (11), Barragan (45), Feddal (78), Emerson (90).
Chetlatish: Ermoso (57).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)