Futbol bo‘yicha O‘zbekiston Сoca Сola Superligasi 6-turidan o‘rin olgan bahsda “Qo‘qon-1912” 25-iyun, payshanba kuni o‘z maydonida “Surxon”ni qabul qildi.
Uchrashuvning dastlabki bo‘limi biroz sokin o‘tdi, kurash asosan maydon markazida kechdi. Har ikkala jamoa ham to‘p nazoratini qo‘lga kiritishga harakat qildi va darvozalarga to‘p kiritilmadi.
Ikkinchi 45 daqiqalikka Baxtiyor Ashurmatovdan kerakli ko‘rsatmalarni olib tushgan qo‘qonliklar 50-daqiqaga kelib hisobda oldinga chiqib oldi. 69-daqiqada esa Asilbek Omonov jarima maydonchasi ichida qo‘pollik qilgani uchun “Surxon” darvozasi tomon penalti belgilandi. 11 metrlik jarima zarbasini Murod Xolmuhammedov aniq amalga oshirdi – 2:0. Uchrashuvga qo‘shib berilgan daqiqalarda Suhrob Berdiyev jarima zarbasini qoyilmaqom tarzda amalga oshirib, hisobni 3:0 ko‘rinishiga olib keldi. Shu tariqa “Qo‘qon-1912” o‘z maydonida yirik g‘alabaga erishdi.
Mazkur g‘alabadan keyin “Qo‘qon-1912” ochkolari sonini 12 taga yetkazib, onlayn turnir jadvalida ikkinchi o‘ringa ko‘tarilib olgan bo‘lsa, “Surxon”ning ochkolari (4) o‘zgarishsiz qoldi. Jamoa 11-pog‘onadan joy olgan.
Сoсa Сola Superliga
6-tur bahsi25-iyun, payshanba
“Qo‘qon-1912” – “Surxon” 3:0
Gollar: 1:0 – 50 Rayevats, 2:0 – 70 Xolmuhammedov, 3:0 – 90+6 Berdiyev“Qo‘qon-1912”: Botirali Ergashev, Bobirjon Akbarov, Sobit Sindarov (Avazxon Mamatxo‘jayev, 88), Shohnazar Norbekov (Xamidullo Abduhamidov, 79), Suhrob Berdiyev, Quvondiq Ro‘ziyev (Yakuba Bamba, 88), Oybek Rustamov, Aleksandr Merzlyakov, Ivan Yosovich, Filipp Rayevats (Iqboljon Malikjonov, 71), Murod Xolmuhammedov.
“Surxon”: Asilbek Omonov, Abduqahhor Hojiakbarov, Vladimir Bubanya, Husniddin G‘ofurov (A’zamjon Aliyev, 68), Shavkat Salomov (Sardor Sulaymonov, 82), Aleksandr Kasyan (Muhammadali Abdurahmonov, 82), Nuriddin Hasanov (Sherzod Karimov, 68), Husniddin G‘ofurov, Jahongir Mehmonov, Darko Stanoyevich, Asror G‘ofurov.
Ogohlantirishlar: Bubanya (29), G‘ofurov (39), Hojiakbarov (45), Omonov (69), Sulaymonov (90+4).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)