Футбол бўйича Ўзбекистон Соcа Соlа Суперлигаси 6-туридан ўрин олган баҳсда «Қўқон-1912» 25 июнь, пайшанба куни ўз майдонида «Сурхон»ни қабул қилди.
Учрашувнинг дастлабки бўлими бироз сокин ўтди, кураш асосан майдон марказида кечди. Ҳар иккала жамоа ҳам тўп назоратини қўлга киритишга ҳаракат қилди ва дарвозаларга тўп киритилмади.
Иккинчи 45 дақиқаликка Бахтиёр Ашурматовдан керакли кўрсатмаларни олиб тушган қўқонликлар 50-дақиқага келиб ҳисобда олдинга чиқиб олди. 69-дақиқада эса Асилбек Омонов жарима майдончаси ичида қўполлик қилгани учун «Сурхон» дарвозаси томон пенальти белгиланди. 11 метрлик жарима зарбасини Мурод Холмуҳаммедов аниқ амалга оширди – 2:0. Учрашувга қўшиб берилган дақиқаларда Суҳроб Бердиев жарима зарбасини қойилмақом тарзда амалга ошириб, ҳисобни 3:0 кўринишига олиб келди. Шу тариқа «Қўқон-1912» ўз майдонида йирик ғалабага эришди.
Мазкур ғалабадан кейин «Қўқон-1912» очколари сонини 12 тага етказиб, онлайн турнир жадвалида иккинчи ўринга кўтарилиб олган бўлса, «Сурхон»нинг очколари (4) ўзгаришсиз қолди. Жамоа 11-поғонадан жой олган.
Соса Соlа Суперлига
6-тур баҳси
25 июнь, пайшанба
«Қўқон-1912» – «Сурхон» 3:0
Голлар: 1:0 – 50 Райевац, 2:0 – 70 Холмуҳаммедов, 3:0 – 90+6 Бердиев«Қўқон-1912»: Ботирали Эргашев, Бобиржон Акбаров, Собит Синдаров (Авазхон Маматхўжаев, 88), Шоҳназар Норбеков (Хамидулло Абдуҳамидов, 79), Суҳроб Бердиев, Қувондиқ Рўзиев (Якуба Бамба, 88), Ойбек Рустамов, Александр Мерзляков, Иван Йосович, Филипп Райевац (Иқболжон Маликжонов, 71), Мурод Холмуҳаммедов.
«Сурхон»: Асилбек Омонов, Абдуқаҳҳор Ҳожиакбаров, Владимир Бубаня, Ҳусниддин Ғофуров (Аъзамжон Алиев, 68), Шавкат Саломов (Сардор Сулаймонов, 82), Александр Касян (Муҳаммадали Абдураҳмонов, 82), Нуриддин Ҳасанов (Шерзод Каримов, 68), Ҳусниддин Ғофуров, Жаҳонгир Меҳмонов, Дарко Станоевич, Асрор Ғофуров.
Огоҳлантиришлар: Бубаня (29), Ғофуров (39), Ҳожиакбаров (45), Омонов (69), Сулаймонов (90+4).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)