Xitoy Milliy banki koronavirus inqirozi fonida iqtisodiyotning qulashidan qochish uchun vaqtincha rag‘batlantirish siyosatini amalga oshirishni rejalashtirmoqda, deb xabar beradi Reuters.
Ta’kidlanishicha, 2020-yilning oxiriga qadar yangi kreditlar miqdori rekord qiymatga — 20 trillion yuanga (2,8 milliard AQSh dollari) yetadi. Taqqoslash uchun, 2019-yilda ushbu ko‘rsatkich 16,81 trillion yuanni tashkil etgan. Bundan tashqari, umumiy ijtimoiy moliyalashtirish 30 trillion yuandan oshishi mumkin (4,2 trillion dollar).
Shu bilan birga, Xitoy Markaziy banki rahbariyatining ma’lum qilishicha, bu kabi harakatlar oqibatiga e’tibor qaratish va “oldindan chiqish mexanizmni tayyorlab qo‘yish” kerak.
Mart oyida Xitoy iqtisodiyotida 30 yil ichida koronavirus tufayli eng salbiy natijalar qayd etilgani to‘g‘risida xabar berilib, ekspertlar koronavirus jahon iqtisodiyotiga 2,7 trillion dollargacha zarar keltirishi mumkinligidan ogohlantirgandi.
Xitoy Milliy statistika byurosining aprel oyidagi ma’lumotlariga ko‘ra, 2020-yilda Xitoyda YaIM 6,8 foizga qisqargan, bu 1976-yildan buyon kuzatilgan ilk kamayish hisoblanadi.
Izoh (0)