Хитой Миллий банки коронавирус инқирози фонида иқтисодиётнинг қулашидан қочиш учун вақтинча рағбатлантириш сиёсатини амалга оширишни режалаштирмоқда, деб хабар беради Reuters.
Таъкидланишича, 2020 йилнинг охирига қадар янги кредитлар миқдори рекорд қийматга — 20 триллион юанга (2,8 миллиард АҚШ доллари) етади. Таққослаш учун, 2019 йилда ушбу кўрсаткич 16,81 триллион юанни ташкил этган. Бундан ташқари, умумий ижтимоий молиялаштириш 30 триллион юандан ошиши мумкин (4,2 триллион доллар).
Шу билан бирга, Хитой Марказий банки раҳбариятининг маълум қилишича, бу каби ҳаракатлар оқибатига эътибор қаратиш ва «олдиндан чиқиш механизмни тайёрлаб қўйиш» керак.
Март ойида Хитой иқтисодиётида 30 йил ичида коронавирус туфайли энг салбий натижалар қайд этилгани тўғрисида хабар берилиб, экспертлар коронавирус жаҳон иқтисодиётига 2,7 триллион долларгача зарар келтириши мумкинлигидан огоҳлантирганди.
Хитой Миллий статистика бюросининг апрель ойидаги маълумотларига кўра, 2020 йилда Хитойда ЯИМ 6,8 фоизга қисқарган, бу 1976 йилдан буён кузатилган илк камайиш ҳисобланади.
Изоҳ (0)