O‘zbekistonda 19-iyun soat 23:00 holatiga ko‘ra, yana 26 kishida koronavirus aniqlandi. Mamlakatda koronavirus infeksiyasini yuqtirib olganlar soni 5946 nafarga yetdi. Bu haqda Sog‘liqni saqlash vazirligi xabar bermoqda.
Yangi kasallanganlarning
- 18 nafari karantin markazidagi fuqarolar (barchasi xorijdan kelgan) orasida;
- 4 nafari Toshkent viloyatida (shundan 2 nafari koronavirusga chalinganlar bilan muloqotda bo‘lib, karantinga olingan fuqarolar orasida, 2 nafari xalqaro yuk tashuvchi avtomashina haydovchisi);
- 4 nafari esa Navoiy viloyatida koronavirusga chalinganlar bilan muloqotda bo‘lib, karantinga olingan fuqarolar orasida aniqlangan.
Hozirgacha koronavirusga chalingan bemorlardan 4273 nafari sog‘aygan bo‘lsa, 19 nafar fuqaro kasallik asoratlaridan vafot etdi.
Izoh (0)