2020-yil 7-martdan Jizzakh Petroleum MChJ qo‘shma korxonasi ishonchli boshqaruviga berilgan “Farg‘ona neftni qayta ishlash zavodi” ishlab chiqarish obyektlarini rekonstruksiya qilish va yangi ishlab chiqarish quvvatlarini qurish loyihasini tasdiqladi. Loyihaning umumiy budjeti 300 million AQSh dollarini tashkil etadi. Bu haqda Energetika vazirligining matbuot xizmati xabar bergan.
Vazirlar Mahkamasining 2020-yilning 7-fevraldagi “Farg‘ona neftni qayta ishlash zavodi” MChJ quvvatidan samarali foydalanish va zavodni modernizatsiya qilishni amalga oshirish chora-tadbirlari to‘g‘risidagi qaroriga ko‘ra, 2023-yil 1-iyuldan boshlab zavod Ai-92 benzini hamda “Yevro-5” standartidagi dizel yoqilg‘isi ishlab chiqarishi hamda xalqaro standartlarga mos keladigan bazaviy va motor moylari ishlab chiqarish uchun neft bloklarini modernizatsiya qilishi kerak.
Kompaniya 2020-yildan 2023-yilgacha yuqori konsentratsiyalangan vodorodni ishlab chiqarish, yengil nafta izomerizatsiyasi va vakuum distillyatlarini gidrokreksiya qilish uchun asbob-uskunalar va materiallarni loyihalash, sotib olish, yangi zavodlar va jarayonlarni qurish va foydalanishga topshirishni rejalashtirgan.
Mavzuga doir: Buxoro neftni qayta ishlash zavodida Ai-80 markali benzin ishlab chiqarishdan butunlay voz kechish rejalashtirilmoqda
Modernizatsiyalashda asosiy asbob-uskuna va vositalar Fransiyaning Axens kompaniyasi tomonidan yetkazib beriladi. Bazaviy loyihalar dizayni bilan Italiyaning Wood muhandislik shirkati shug‘ullanadi.
Izoh (0)