Surxondaryo viloyati agroinspeksiya Sho‘rchi tumani bo‘limi inspektori traktor va uning tirkamasiga yangi namunadagi davlat raqami va texnik guvohnoma tayyorlab berishni va’da qilib firibgarlik yo‘li bilan pul ishlab olmoqchi bo‘lgani aniqlandi. Bu haqda Bosh prokuratura axborot xizmati “Daryo”ga ma’lum qilgan.
Bosh prokuratura huzuridagi departamentning Bandixon tuman bo‘limi DXX xodimlari bilan hamkorlikda o‘tkazilgan tezkor tadbirda, agroinspeksiyaning Sho‘rchi tumani bo‘limi inspektori F.M. hibsga olingan.
F.M fuqaro F.X.ga tegishli bo‘lgan, hujjatsiz T-40 rusumli traktori va tirkamasiga yangi namunadagi davlat raqami, texnikani ro‘yxatga olish guvohnomasi tayyorlab berish evaziga 1 million 800 ming so‘m talab qilgan. “O‘zagroinspeksiya” xodimi pullarni firibgarlik yo‘li bilan olgan vaqtida ashyoviy dalil bilan ushlangan.
Mazkur holat yuzasidan F.M.ga nisbatan Jinoyat kodeksining 168-moddasi 3-qismi (Firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
Izoh (0)