O‘zbekistonda 15-iyun soat 23:00 holatiga ko‘ra, koronavirus bilan kasallanganlar soni 109 nafarga oshdi va kasallik yuqtirib olganlarning umumiy soni 5263 nafarga yetdi. Bu haqda Sog‘liqni saqlash vazirligi xabar bermoqda.
Yangi kasallanish holatlarining
- 77 tasi karantin markazidagi fuqarolar orasida;
- 12 tasi Toshkent shahrida (shundan 10 tasi koronavirusga chalinganlar bilan muloqotda bo‘lganlar, 2 tasi esa aholi orasida);
- 7 tasi Toshkent viloyatida (shundan 6 tasi xalqaro yuk tashuvchi avtomashina haydovchisida, bittasi esa koronavirusga chalinganlar bilan muloqotda bo‘lganlar orasida);
- 5 tasi Namangan viloyatida;
- 5 tasi Navoiy viloyatida koronavirusga chalinganlar bilan muloqotda bo‘lib karantinga olingan fuqarolar orasida;
- 3 tasi Samarqand viloyatida aholi orasida aniqlangan.
Eslatib o‘tamiz, O‘zbekistonda hozirgacha koronavirusga chalinganlarning 4019 nafari butunlay sog‘aygan, 19 nafari esa kasallik asoratlari oqibatida vafot etgan.
Izoh (0)