Andijon viloyati Baliqchi tumanida elektr hisoblagichidagi kamchiliklarni rasmiylashtirmaslik evaziga fuqarodan 400 dollar talab qilgan firibgar ushlandi. Bu haqda “Daryo”ga Bosh prokuratura tomonidan ma’lum qilindi.
Mazkur holat bo‘yicha Bosh prokuratura huzuridagi Iqtisodiy jinoyatlarga qarshi kurash departamentining Andijon viloyati boshqarmasi tomonidan tezkor tadbir o‘tkazilgan.
Aniqlanishicha, fuqaro A.Sh. Baliqchi tumanida yashovchi fuqaro S.S.ning uyida elektr tarmoqlari korxonasi xodimlari tomonidan o‘tkazilgan nazorat tekshiruvida aniqlangan kamchiliklar bo‘yicha 40 million so‘m atrofida jarima to‘lashi kerakligini aytgan. A. Sh. ushbu holat bo‘yicha bayonnoma tuzdirmaslik evaziga S.S.dan 400 dollar talab qilgan. Mazkur shaxs 1 million so‘m va 300 dollar olgan vaqtida ashyoviy dalil bilan ushlangan.
Mazkur holat yuzasidan A.Sh.ga nisbatan Jinoyat kodeksining 168-moddasi 1-qismi bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Farg‘onada qurilish obyektini olib berishi evaziga 5 ming dollar so‘ragan qishloq xo‘jaligi hisobchisi firibgarlik ustida ushlandi
- Farg‘onada Telegram-bot orqali firibgarlik yo‘li bilan pul topgan fuqaro qo‘lga olindi
- Muborakda tadbirkorning 150 mln so‘mini qo‘lga kiritgan firibgarga nisbatan jinoyat ishi qo‘zg‘atildi
- Namanganda universitetga o‘qishga kiritishni va’da qilib, 2,5 ming dollar va 5 mln so‘m talab qilgan firibgar o‘qituvchi qo‘lga tushdi
Izoh (0)