Bosh prokuratura huzuridagi departamentning Surxondaryo viloyati boshqarmasi tomonidan IIB xodimlari bilan hamkorlikda o‘tkazilgan tezkor tadbirda firibgarlik jinoyati fosh etildi.

Oltinsoy tumanidagi “J.M.” fermer xo‘jaligi rahbari N.D. fuqaro X.M.ning ishonchiga kirib, uni aldab, xo‘jalikka tegishli paxta va g‘alla mahsulotlari yetishtirish uchun mo‘ljallangan 2,5 gektar yer maydonini, baliqxona tashkil etish uchun ajratish hamda ushbu yerni tanishlari orqali uning nomiga rasmiylashtirib berish evaziga 120 million so‘m pulni firibgarlik yo‘li bilan olgan vaqtida ashyoviy dalillar bilan ushlangan.

“Mazkur holat yuzasidan N.D.ga nisbatan Jinoyat kodeksining tegishli moddasi bilan jinoyat ishi qo‘zg‘atilib, tergov harakatlari o‘tkazilmoqda”, — deya xabar bermoqda Bosh prokuratura matbuot xizmati.