Андижон вилояти Балиқчи туманида электр ҳисоблагичидаги камчиликларни расмийлаштирмаслик эвазига фуқародан 400 доллар талаб қилган фирибгар ушланди. Бу ҳақда «Дарё»га Бош прокуратура томонидан маълум қилинди.
Мазкур ҳолат бўйича Бош прокуратура ҳузуридаги Иқтисодий жиноятларга қарши кураш департаментининг Андижон вилояти бошқармаси томонидан тезкор тадбир ўтказилган.
Аниқланишича, фуқаро А.Ш. Балиқчи туманида яшовчи фуқаро С.С.нинг уйида электр тармоқлари корхонаси ходимлари томонидан ўтказилган назорат текширувида аниқланган камчиликлар бўйича 40 миллион сўм атрофида жарима тўлаши кераклигини айтган. А. Ш. ушбу ҳолат бўйича баённома туздирмаслик эвазига С.С.дан 400 доллар талаб қилган. Мазкур шахс 1 миллион сўм ва 300 доллар олган вақтида ашёвий далил билан ушланган.
Мазкур ҳолат юзасидан А.Ш.га нисбатан Жиноят кодексининг 168-моддаси 1-қисми билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Фарғонада қурилиш объектини олиб бериши эвазига 5 минг доллар сўраган қишлоқ хўжалиги ҳисобчиси фирибгарлик устида ушланди
- Фарғонада Telegram-бот орқали фирибгарлик йўли билан пул топган фуқаро қўлга олинди
- Муборакда тадбиркорнинг 150 млн сўмини қўлга киритган фирибгарга нисбатан жиноят иши қўзғатилди
- Наманганда университетга ўқишга киритишни ваъда қилиб, 2,5 минг доллар ва 5 млн сўм талаб қилган фирибгар ўқитувчи қўлга тушди
Изоҳ (0)