Farg‘ona viloyatida fuqaro A.S.ning murojaati asosida Telegram’da firibgarlik qilayotgan jinoyatchi hibsga olindi. Bu haqda Farg‘ona viloyati IIB xabar qilgan.
Foto: “Daryo”
Xabarga ko‘ra, 8-may kuni noma’lum shaxs Telegram orqali “B. I.” nomli botda 5 yil muddatga 10 million so‘mdan 50 million so‘mgacha onlayn kredit berishi haqida yolg‘on xabar tarqatgan. Shundan keyin A.S.ga 28 million so‘m kredit olishi uchun oldindan 5 foiz, ya’ni 1 million 400 ming so‘m miqdoridagi pullarini plastik kartasi orqali botning karta hisobiga o‘tkaztirgan.
Buvayda tuman IIB huzuridagi tergov bo‘linmasi holat yuzasidan Jinoyat kodeksining 168-moddasi 2-qismi “v” bandi (Firibgarlik) bilan jinoyat ishi qo‘zg‘atgan.
Tezkor qidiruv tadbirlari davomida ushbu jinoyatni S.U. sodir etgani aniqlangan va tergov harakatlari davom ettirilmoqda.
Jinoyat kodeksining 168-moddasi 2-qismida ko‘rsatilgan jinoyatni sodir etgan shaxs 5 yilgacha ozodlikdan mahrum qilish bilan jazolanishi mumkin.
Mavzuga doir:
- Toshkentda masjid qurilishiga ehson qilish bahonasida qariyb 34 mln so‘m pulni o‘zlashtirgan firibgar qo‘lga olindi
- Buxoroda nogiron fuqaro uchun ehson yig‘ish bahonasida salkam 9 mln so‘m pulni o‘zlashtirgan firibgarga jinoyat ishi qo‘zg‘atildi
- Telegram’da kanal ochib, qizlarning telefon raqami va pornografik materiallar tarqatgan shaxsga chora ko‘rildi
