Ichki ishlar vazirligi Farg‘ona viloyatida “Qaqir—Furqat” temiryo‘l bekatlari oralig‘ida joylashgan qo‘riqlanmaydigan temiryo‘l kesishmasi navbatchisiga hujum uyushtirilib, uni notanish odam urgani haqida xabar qildi.
Xabarga ko‘ra, 10-iyun kuni soat 15:00 larda “Qaqir—Furqat” temiryo‘l bekatlari oralig‘i 206-kilometr 6-piketda joylashgan qo‘riqlanmaydigan temiryo‘l kesishmasi navbatchisi 1988-yilda tug‘ilgan X.A. hujumga uchragan. Farg‘ona viloyati Qo‘qon shahrida yashovchi X.A. xizmat olib borayotgan vaqtida notanish odam uni xizmat joyida urib, unga tan jarohati yetkazgan.
Olib borilgan surishtiruv natijasida ushbu shaxs Farg‘ona viloyati Bog‘dod tumanida yashovchi 1988-yilda tug‘ilgan X.B. ekanligi aniqlangan va mazkur holat yuzasidan surishtiruv ishlari olib borilmoqda, deyiladi vazirlik xabarida.
Mavzuga doir:
- Sirdaryoda 6 nafar mast fuqaro tez yordam xodimlarini kaltakladi
- Narpayda Damas haydovchisi piyodani turtib ketdi. Piyoda mushtlashi oqibatida haydovchi vafot etdi
- Qashqadaryoda tunda tanish yigitlarning qo‘l siqib salomlashishi pichoqbozlikni keltirib chiqardi
- Samarqandda 63 yoshli fuqaroga og‘ir tan jarohati yetkazgan shaxs qamoqqa olindi
Izoh (0)