Samarqanddagi bir nechta ziyoratgoh faoliyatini qaytadan boshladi. Bu haqda “Xalq so‘zi online” xabar tarqatgan.
Qadimiy qadamjolar faoliyatini karantin qoidalariga qat’iy amal qilgan holda yo‘lga qo‘yishi uchun kirish-chiqish joylariga pirometrlar, antiseptik vositalar va dezinfeksion “to‘shak”lar o‘rnatilgan.
Mazkur ishlar to‘liq amalga oshirilib Samarqand shahrida joylashgan Xo‘ja Doniyor, Imom Moturidiy, Xo‘ja Abdu Darun, Hazrati Xizr, Murod Avliyo ziyoratgohi, Shohi Zinda yodgorlik majmuasi, Ruhobod maqbarasi, Xo‘ja Is’hoqi Valiy masjid-ziyoratgohi, shuningdek, Samarqand tumanidagi Xo‘ja Ahror Valiy, Xo‘ja Abdu Berun, Oqdaryo tumanidagi Mahdumi A’zam, Jomboy tumanidagi Shayx Xudoydod Vali va Bulung‘ur tumanidagi Xo‘ja Hofiz Merosiy ziyoratgohlari qayta ochilgan.
Nurobod tumanidagi Hazrati Dovud ziyoratgohi Samarqand viloyati Turizmni rivojlantirish departamenti bilan kelishilgan holda ochilgan.
Payariq tumanidagi Imom Buxoriy majmuasi hamda Urgut tumanidagi Chor Chinor ziyoratgohi “qizil” hududda joylashgani bois ularning faoliyat olib borishiga ruxsat berilmagan.
Eslatib o‘tamiz, O‘zbekistonda 1-iyundan ichki turizm o‘z faoliyatini qayta boshlagan.
Mavzuga doir:
- “Bitta holat aniqlansa, butun mehmonxona karantinga olinmaydigan tizim ishlab chiqish zarur” — Shavkat Mirziyoyev turizm faoliyatini qayta tiklash haqida
- O‘zbekistonda turizmning tiklanishi uch bosqichda amalga oshiriladi
- O‘zbekistonda nogironligi bo‘lgan keksalar uchun turistik yo‘llanma qiymati to‘lab beriladi va ular uchun chegirmalar e’lon qilinadi
- Toshkentda 2020-yil oxirigacha turistlar uchun 90 ta yo‘l ko‘rsatkichi o‘rnatiladi
Izoh (0)