Toshkent viloyati Qibray tumanida uch kishining bir yigitni do‘pposlashi natijasida 27 yoshli D.B. voqea joyida vafot etgan. Bu haqda IIV huzuridagi Tergov departamenti xabar qildi.
Xabar berilishicha, 2020-yil 8-iyun kuni soat taxminan 23:00 da fuqaro 30 yoshli Sh.K., tanishlari 27 yoshli Sh.R. va 26 yoshli B.A. bilan guruh bo‘lib, Qibray tumanida eski tanishi 27 yoshli D.B. bilan o‘rtalarida yuzaga kelgan og‘zaki kelishmovchilik oqibatida janjallashgan. Janjal mushtlashuvga aylanib uch yigit D.B.ning bosh-yuz sohasi va tanasining turli joylariga bir necha marta urib-do‘pposlab, unga og‘ir tan jarohatlari yetkazgan.
Og‘ir jarohatlar olgan D.B. hodisa sodir bo‘lgan joyda vafot etgan.
Holat yuzasidan Qibray tumani IIB huzuridagi tergov bo‘limi tomonidan Sh.K., Sh.R. va B.A.ga nisbatan O‘zbekiston Respublikasi Jinoyat kodeksining 104-moddasi 3-qismi “d” bandi (Jabrlanuvchining o‘limiga olib kelgan badanga qasddan og‘ir shikast yetkazish) bilan jinoyat ishi qo‘zg‘atilgan.
Ushbu fuqarolar gumon qilinuvchi tariqasida jalb qilinib, protsessual tartibda ushlangan.
Mavzuga doir:
- Toshkentda “Archa-ko‘cha”dagi pichoqbozlik jabrlanuvchilaridan biri vafot etdi
- Toshkentda 17 yoshli sartarosh bir yigitni qaychi bilan o‘ldirib qo‘ydi
- Andijonda teraklarning soyasi bir kishining o‘limiga sabab bo‘ldi
- Zangiotada belkurak bilan tanishini urib, uning o‘limiga sabab bo‘lgan yigit 12 yilgacha ozodlikdan mahrum qilinishi mumkin
- Zangiotada 31 yillik jinoyat fosh etildi. Qotillikni sodir etgan ayol hozir 83 yoshda
Izoh (0)