Ички ишлар вазирлиги Фарғона вилоятида «Қақир—Фурқат» темир йўл бекатлари оралиғида жойлашган қўриқланмайдиган темир йўл кесишмаси навбатчисига ҳужум уюштирилиб, уни нотаниш одам ургани ҳақида хабар қилди.
Хабарга кўра, 10 июнь куни соат 15:00 ларда «Қақир—Фурқат» темир йўл бекатлари оралиғи 206-километр 6-пикетда жойлашган қўриқланмайдиган темир йўл кесишмаси навбатчиси 1988 йилда туғилган Х.А. ҳужумга учраган. Фарғона вилояти Қўқон шаҳрида яшовчи Х.А. хизмат олиб бораётган вақтида нотаниш одам уни хизмат жойида уриб, унга тан жароҳати етказган.
Олиб борилган суриштирув натижасида ушбу шахс Фарғона вилояти Боғдод туманида яшовчи 1988 йилда туғилган Х.Б. эканлиги аниқланган ва мазкур ҳолат юзасидан суриштирув ишлари олиб борилмоқда, дейилади вазирлик хабарида.
Мавзуга доир:
- Сирдарёда 6 нафар маст фуқаро тез ёрдам ходимларини калтаклади
- Нарпайда Damas ҳайдовчиси пиёдани туртиб кетди. Пиёда муштлаши оқибатида ҳайдовчи вафот этди
- Қашқадарёда тунда таниш йигитларнинг қўл сиқиб саломлашиши пичоқбозликни келтириб чиқарди
- Самарқандда 63 ёшли фуқарога оғир тан жароҳати етказган шахс қамоққа олинди
Изоҳ (0)