Навоийда темир йўл изларига тош қўйиб қўйилгани аниқланди, деб хабар бермоқда ИИВ Транспортда хавфсизликни таъминлаш бош бошқармаси. Бундан электровоз ва юк поезди ҳеч қандай зарар кўрмаган ва тўхтамасдан ҳаракатни давом эттирган.
Қайд этилишича, 7 июнь куни соат 14:20 да Навоий вилояти ИИБ ТХТБга Бухоро МТУга қарашли Малик темир йўл бекати навбатчиси, Бухоро локомотив депосига қарашли электровоз машинисти С.С. юк поезди билан Бинокор—Бухоро йўналиши бўйича ҳаракатланиб кетаётган вақтида, Бинокор—Малик темир йўл бекатлари оралиғидаги 3907-километрида темир йўл излари устига тош бўлаклари қўйилганлигини хабар берган.
Олиб борилган суриштирув ишлари давомида тошларни Навоий вилояти, Қизилтепа тумани, умумий ўрта таълим мактабининг ўқувчилари, 2004 йилда туғилган Д.Ф. ва 2006 йилда туғилган С. М. темир йўл излари атрофида ўйнаб юрганда қўйганлиги аниқланган.
Ҳолат юзасидан терговга қадар текширув ишлари олиб борилмоқда.
Изоҳ (0)