O‘zbekistonda 9-iyun soat 23:00 holatiga ko‘ra, koronavirus infeksiyasi bilan kasallanganlar soni 38 nafarga ko‘payib, 4520 kishini tashkil qilmoqda. Bu haqda Sog‘liqni saqlash vazirligi xabar berdi.
Yangi kasallanish holatlarining 8 tasi karantin muassasalarida, 13 tasi xalqaro yuk tashuvchi avtomashinalar haydovchilari va 17 tasi esa aholi orasida qayd etildi. Hozirda ushbu holatlar bo‘yicha epidemiologik surishtiruv ishlari davom etmoqda, deyiladi vazirlik xabarida.
Avvalroq O‘zbekistonda 9-iyun soat 17:00 holatiga ko‘ra, koronavirusga chalinganlar soni 34 kishiga ko‘payib, 4482 nafarga yetgani xabar qilingandi.
Kun davomida Toshkentda 74 nafar, Navoiyda 28 nafar bemor tuzalgan va jami 102 nafar bemor sog‘ayganidan keyin O‘zbekiston bo‘ylab koronavirusdan butunlay forig‘ bo‘lganlar soni 3459 nafarga (76 foiz) yetgan. Davolanish muassasalarida 1043 nafar koronavirus bilan kasallangan bemor qolgan.
Mavzuga doir: O‘zbekistonlik olimlar koronavirusga qarshi qo‘llanilishi mumkin bo‘lgan dorini yaratdi
Izoh (0)