Ўзбекистонда 16 май соат 10:00 ҳолатига кўра, коронавирус инфекцияси қайд этилганлар сони 5 нафарга ошиб, 2691 кишига етди. Бу ҳақда Соғлиқни сақлаш вазирлиги хабар берди.
Маълум қилинишича, янги касалланиш ҳолатларининг 1 таси хориждан келган фуқарода аниқланган. У халқаро юк ташувчи автомашина ҳайдовчиси бўлиб, шу йил 14 май куни Россиядан келган. Шунингдек, касаллик 4 нафар олдиндан карантинда бўлган навоийлик фуқарода аниқланган.
Республика бўйича коронавирусдан тузалганларнинг сони эса 2158 нафарга етган бўлиб, соғайиш кўрсаткичи 80 фоизни ташкил этмоқда.
Шунингдек, даволанаётган 522 нафар бемордан 8 нафарининг аҳволи оғир эканлиги қайд этилган.
Изоҳ (0)