Farg‘ona viloyati IIB patrul-post xizmati va jamoat tartibini saqlash boshqarmasi xodimlariga xizmat skuterlari topshirildi, deya xabar beradi “Daryo” muxbiri.
Aytilishicha, mazkur skuterlardan fuqarolar ko‘p to‘planadigan jamoat joylarida, mahallalardagi avtotransportlar harakatlanishi qiyin bo‘lgan ko‘chalarda, huquqbuzarlik va jinoyatchilikning barvaqt oldini olishda, jamoat tartibini saqlashda foydalaniladi.
Qayd etilishicha, o‘tgan vaqt davomida skuterlar xizmatni samarali tashkil etish va xodimlar tezkorligini oshirishda ijobiy natija bergani bois yana 20 ta zamonaviy skuter olib kelingan.
Eslatib o‘tamiz, avvalroq skuterlar viloyatga sinov tariqasida keltirilib, ulardan foydalanish, texnik imkoniyatlarini o‘rganish bo‘yicha o‘quv mashg‘ulotlari o‘tkazilayotgani haqida xabar berilgan edi.
Izoh (0)