Xorazmda 14 nafar, Farg‘onada 12 nafar, Andijonda 3 nafar hamda Samarqandda 1 nafar koronavirus infeksiyasiga chalingan bemor butunlay sog‘aydi. Ular viloyatlar sog‘liqni saqlash boshqarmalari mas’ullari ishtirokida reabilitatsiyaga kuzatildi. Bu haqda Sog‘liqni saqlash vazirligi xabar qildi.
Shu tariqa to‘liq sog‘ayganlar Xorazmda 135 nafarga, Farg‘onada 73 nafarga, Samarqandda 22 nafarga hamda Andijonda 109 nafarga yetgan.
2020-yil 1-may soat 21:00 holatiga ko‘ra, bir sutka ichida jami 79 nafar bemor tuzalib, O‘zbekistonda COVID-19 infeksiyasidan butunlay sog‘ayganlarning umumiy soni 1212 nafarga yetdi.
Eslatib o‘tamiz, 2020-yil 1-may soat 15:30 holatiga ko‘ra, O‘zbekistonda koronavirusga chalinganlar soni 2075 nafarga yetgan, sog‘aygan va vafot etganlardan tashqari jami 854 nafar bemor davolanmoqda.
O‘zbekistonda 15-martdan buyon koronavirusga chalingan bemorlarning to‘qqiz nafari vafot etdi, 28-apreldan buyon sog‘ayganlar soni ayni vaqtda kasallikdan davolanayotganlar sonidan ko‘p bo‘lib turibdi.
Izoh (0)