AQShda bezgakka qarshi xloroxin preparatini koronavirusga chalingan bemorlarni davolashda qo‘llash bo‘yicha sinovlar to‘xtatildi. Tajriba vaqtida, avval taxmin qilinganidek, ayrim bemorlar yuragida muammolar kuzatilgan va 20 nafar ko‘ngilli ushbu holat oqibatida vafot etgan. Tadqiqot natijalari 24-aprel kuni Amerika tibbiyot assotsiatsiyasining jurnalida e’lon qilingan.
Sinovlarda 81 kishi ishtirok etgan. Koronavirus bilan kasallangan va tajribada ishtirok etib, tuzalishni istagan bemorlarga 10 kun davomida xloroxindifosfat yuborilgan. Bemorlar ikki guruhga bo‘lingan va biriga katta doza, boshqasiga esa nisbatan yuqori bo‘lmagan dozada dori jo‘natilgan.
Birinchi guruhda avvaliga kasallikning og‘ir o‘tishi 50 foizga kamaygan, ammo ko‘p o‘tmay olimlar preparatning virusga yuqori konsentratsiya bilan ta’sir qilishi mumkinligi, ammo bu organizmda aksta’sir uyg‘otishini aniqlagan.
“Ushbu tadqiqotning dastlabki natijalaridan kelib chiqib, CQ’ning nisbatan yuqori dozasini COVID-19 bilan kasallangan og‘ir ahvoldagi bemorlarga bermaslik tavsiya qilinadi, sababi preparat odam sog‘lig‘ini xavf ostida qoldirishi mumkin”, — deyiladi tadqiqot xulosalarida.
Mavzuga doir:
Izoh (0)