АҚШда безгакка қарши хлорохин препаратини коронавирусга чалинган беморларни даволашда қўллаш бўйича синовлар тўхтатилди. Тажриба вақтида, аввал тахмин қилинганидек, айрим беморлар юрагида муаммолар кузатилган ва 20 нафар кўнгилли ушбу ҳолат оқибатида вафот этган. Тадқиқот натижалари 24 апрель куни Америка тиббиёт ассоциациясининг журналида эълон қилинган.
Синовларда 81 киши иштирок этган. Коронавирус билан касалланган ва тажрибада иштирок этиб, тузалишни истаган беморларга 10 кун давомида хлорохиндифосфат юборилган. Беморлар икки гуруҳга бўлинган ва бирига катта доза, бошқасига эса нисбатан юқори бўлмаган дозада дори жўнатилган.
Биринчи гуруҳда аввалига касалликнинг оғир ўтиши 50 фоизга камайган, аммо кўп ўтмай олимлар препаратнинг вирусга юқори концентрация билан таъсир қилиши мумкинлиги, аммо бу организмда акстаъсир уйғотишини аниқлаган.
«Ушбу тадқиқотнинг дастлабки натижаларидан келиб чиқиб, CQ’нинг нисбатан юқори дозасини COVID-19 билан касалланган оғир аҳволдаги беморларга бермаслик тавсия қилинади, сабаби препарат одам соғлиғини хавф остида қолдириши мумкин», — дейилади тадқиқот хулосаларида.
Мавзуга доир:
Изоҳ (0)