Daryo muxbirining xabar berishicha, Sanitariya-epidemiologik osoyishtalik agentligi direktori Bahrom Almatov virusologik laboratoriyalarda bir kunda o‘rtacha 10 000 ta, shu vaqtgacha 136 000 ta test sinovlari o‘tkazilganini ma’lum qilgan.
Kasallik laboratoriyalardagi tekshiruv natijasi bo‘yicha ikkita bosqichda, birinchi navbatda skrining testlari, keyingi bosqichda, kasallik gumon qilingan holatda tasdiqlovchi test tizimlari yordamida aniqlanishi aytildi. Bu Jahon sog‘liqni saqlash tashkiloti va xalqaro tajribalardan kelib chiqqan holda amalga oshirilayotgani alohida ta’kidlandi.
Mavzuga doir: Bahrom Almatov Toshkent shahridagi epidemiologik vaziyat haqida tumanlar kesimida ma’lumot berdi
Bugungi kunda epidemik vaziyat noxush bo‘lgan hududlardan kelgan va bemorlar bilan muloqotda bo‘lgan 91,861 nafar fuqarolar salomatligi ustidan tibbiy nazorat davom etayotgani, ulardan 69,926 nafar fuqarolar uy sharoitida, 21,935 nafar fuqarolar statsionar sharoitda karantinga olingani ta’kidlandi. Shu vaqtga qadar 151,103 nafar (uy sharoitida 131,226 nafar, statsionar sharoitida 19877) fuqarolar karantindan chiqarilgan.
Mavzuga doir: O‘zbekistonda koronavirusga chalingan bemorlar davolanayotgan hududlar haqida ma’lumot berildi
Eslatib o‘tamiz, 16-aprel kuni Toshkentda koronavirusdan davolanayotgan 325 nafar bemorning 14 nafari og‘ir ahvolda ekanligi haqida xabar berilgan.
Izoh (0)