Дарё мухбирининг хабар беришича, Санитария-эпидемиологик осойишталик агентлиги директори Баҳром Алматов вирусологик лабораторияларда бир кунда ўртача 10 000 та, шу вақтгача 136 000 та тест синовлари ўтказилганини маълум қилган.
Касаллик лабораториялардаги текширув натижаси бўйича иккита босқичда, биринчи навбатда скрининг тестлари, кейинги босқичда, касаллик гумон қилинган ҳолатда тасдиқловчи тест тизимлари ёрдамида аниқланиши айтилди. Бу Жаҳон соғлиқни сақлаш ташкилоти ва халқаро тажрибалардан келиб чиққан ҳолда амалга оширилаётгани алоҳида таъкидланди.
Мавзуга доир: Баҳром Алматов Тошкент шаҳридаги эпидемиологик вазият ҳақида туманлар кесимида маълумот берди
Бугунги кунда эпидемик вазият нохуш бўлган ҳудудлардан келган ва беморлар билан мулоқотда бўлган 91,861 нафар фуқаролар саломатлиги устидан тиббий назорат давом этаётгани, улардан 69,926 нафар фуқаролар уй шароитида, 21,935 нафар фуқаролар стационар шароитда карантинга олингани таъкидланди. Шу вақтга қадар 151,103 нафар (уй шароитида 131,226 нафар, стационар шароитида 19877) фуқаролар карантиндан чиқарилган.
Мавзуга доир: Ўзбекистонда коронавирусга чалинган беморлар даволанаётган ҳудудлар ҳақида маълумот берилди
Эслатиб ўтамиз, 16 апрель куни Тошкентда коронавирусдан даволанаётган 325 нафар беморнинг 14 нафари оғир аҳволда эканлиги ҳақида хабар берилган.
Изоҳ (0)