Toshkentda fuqaro o‘z xohishiga ko‘ra karantin sharoitida bolasining aliment pullarini 100 foiz to‘lab berdi. Bu haqda “Daryo”ga MIB matbuot xizmati xabar berdi.
Qayd etilishicha, fuqarolik ishlari bo‘yicha Mirzo Ulug‘bek tumanlararo sudining 2017-yil 6-sebtabrdagi buyrug‘iga asosan, qarzdor I.E.dan undiruvchi M.S. foydasiga voyaga yetmagan bir nafar farzandining ta’minoti uchun to u voyaga yetguniga qadar oylik ish haqi va boshqa daromadlaridan har oyda 1/4 qism miqdorida aliment undirish belgilangan.
Byuroning Mirzo Ulug‘bek tuman bo‘limi tomonidan qarzdor bilan profilaktik suhbat o‘tkazilganda fuqaro o‘z xohishiga ko‘ra, aliment pullarini farzandi 18 yoshga to‘lguniga qadar to‘liq to‘lash tashabbusi bilan chiqqan.
16-aprel, payshanba kuni, alimentchi ota farzandi 18 yoshga to‘lguniga qadar jami 110 million 635 ming so‘m miqdoridagi aliment pulini to‘liq to‘lab bergan.
Izoh (0)