Koronavirusga chalingan Buyuk Britaniya bosh vaziri Boris Jonson davolanish muolajalaridan so‘ng 12-aprel, yakshanba kuni, kasalxonadan chiqdi. Bu haqda Sky News xabar bermoqda.
Qayd etilishicha, bosh vazir kasalxonadan chiqqaniga qaramay hali ishga kirishmaydi va uyda davolanishni davom ettiradi.
Kasalxonadan chiqqanidan so‘ng Jonson o‘zining Twitter’idagi sahifasiga videomurojaat joylagan bo‘lib, unda Britaniya Milliy sog‘liqni saqlash tizimi xodimlariga minnatdorchilik birdirgan.
It is hard to find the words to express my debt to the NHS for saving my life.
— Boris Johnson (@BorisJohnson) April 12, 2020
The efforts of millions of people across this country to stay home are worth it. Together we will overcome this challenge, as we have overcome so many challenges in the past. #StayHomeSaveLives pic.twitter.com/HK7Ch8BMB5
Boris Jonson tuzalguniga qadar hukumatni tashqi ishlar vaziri Dominik Raab vaqtinchalik boshqarib turibdi.
Eslatib o‘tamiz, Boris Jonson koronavirus bilan kasallangani haqida 27-mart kuni ma’lum bo‘lgandi. 5-aprel kuni u ehtiyot chorasi sifatida avliyo Foma shifoxonasiga yotqizilgandi. Biroq keyinroq siyosatchining sog‘lig‘i keskin yomonlashib, jonlantirish bo‘limiga olingandi. 9-aprel kuni esa bosh vazir intensiv terapiyadan oddiy palataga o‘tkazilgandi.
So‘nggi ma’lumotlarga ko‘ra, Britaniyada koronavirus bilan kasallanganlar soni qarib 80 mingga yetdi, 10 mingdan ortiq odam vafot etdi.
Izoh (0)