O‘tgan bir sutka ichida Rossiyada koronavirus oqibatida 24 kishi vafot etdi. Bu haqda virusga qarshi kurash bo‘yicha tezkor shtab ma’lumotlariga tayanib, “RBK” xabar berdi.
Ma’lumotlarga ko‘ra, Rossiya poytaxtida koronavirus bilan kasallangan jami bemorlar soni 10 158 kishiga yetgan.
Virus oqibatida vafot etganlarning aksariyati Moskva shahrida — 14 kishi. Bundan tashqari, 11-aprel kuni poytaxt shifoxonalaridan COVID-19 koronavirus infeksiyasidan davolanishga muvaffaq bo‘lgan 188 bemorga javob berilgan. Shunday qilib, Moskvada koronavirusdan davolangan bemorlarning jami soni 687 kishiga yetdi.
Ta’kidlanishicha, o‘tgan bir sutka davomida butun mamlakat bo‘ylab yana 2186 kishida koronavirus aniqlangan bo‘lib, ularning 1306 nafari Moskvada istiqomat qiladi. Hozirga qadar poytaxtda 72 kishi, butun mamlakat bo‘ylab esa 130 kishi koronavirus qurboniga aylangan.
Avvalroq Moskva meri Sergey Sobyanin poytaxtda koronavirus infeksiyasining eng yuqori cho‘qqisi hali sodir bo‘lmaganini ma’lum qilgandi.
Eslatib o‘tamiz, O‘zbekistonda koronavirus bilan kasallanganlar soni 833 nafarga yetdi.
Izoh (0)