Коронавирусга чалинган Буюк Британия бош вазири Борис Жонсон даволаниш муолажаларидан сўнг 12 апрель, якшанба куни, касалхонадан чиқди. Бу ҳақда Sky News хабар бермоқда.
Қайд этилишича, бош вазир касалхонадан чиққанига қарамай ҳали ишга киришмайди ва уйда даволанишни давом эттиради.
Касалхонадан чиққанидан сўнг Жонсон ўзининг Twitter’идаги саҳифасига видеомурожаат жойлаган бўлиб, унда Британия Миллий соғлиқни сақлаш тизими ходимларига миннатдорчилик бирдирган.
It is hard to find the words to express my debt to the NHS for saving my life.
— Boris Johnson (@BorisJohnson) April 12, 2020
The efforts of millions of people across this country to stay home are worth it. Together we will overcome this challenge, as we have overcome so many challenges in the past. #StayHomeSaveLives pic.twitter.com/HK7Ch8BMB5
Борис Жонсон тузалгунига қадар ҳукуматни ташқи ишлар вазири Доминик Рааб вақтинчалик бошқариб турибди.
Эслатиб ўтамиз, Борис Жонсон коронавирус билан касаллангани ҳақида 27 март куни маълум бўлганди. 5 апрель куни у эҳтиёт чораси сифатида авлиё Фома шифохонасига ётқизилганди. Бироқ кейинроқ сиёсатчининг соғлиғи кескин ёмонлашиб, жонлантириш бўлимига олинганди. 9 апрель куни эса бош вазир интенсив терапиядан оддий палатага ўтказилганди.
Сўнгги маълумотларга кўра, Британияда коронавирус билан касалланганлар сони қариб 80 мингга етди, 10 мингдан ортиқ одам вафот этди.
Изоҳ (0)