Mustaqil dizayner Aleksandr Isayev Lada 4x4 avtomobili kelajakda qanday ko‘rinishda bo‘lishini tasavvur qilib ko‘rdi. U 2018-yilda ishlab chiqarilgan 4x4 Vision’ni Mercedes-Benz G-Class bilan “chatishtirgan”, deb xabar beradi Motor.
Virtual yo‘ltanlamas bir qator dizaynerlik xususiyatlarni o‘zida jamlagan. Xususan, hoshiyasiz eshik va qisman ochiluvchi tom qismiga ega bo‘ladi. “Gelendvagen”dan esa unga g‘ildiraklar bazasi, massiv kapot va qisqa profilli rezinaga ega diskalar saqlanib qolgan. Shu bilan birga G-Niva 2020’da klassik 4x4 jihatlari ham mavjud — yukxona eshigi va rul qismi.
G-Niva 2020 faqat taqdimot shaklida mavjud, shuning uchun “AvtoVAZ” modellari qatorida bunday mashinaning paydo bo‘lishini kutmaslik lozim.
Izoh (0)