STX Entertainment Rik Roman Voning “Grenlandiya” filmining ilk treylerini taqdim etdi.
Film sujetiga ko‘ra, Yerga ulkan asteroid kelib uriladi. Hodisadan eng katta jabr ko‘rgan AQSh aholisi esa jon saqlashga urinadi. Film voqelari markazidan Jerard Batler va Morena Bakkarin ijrosidagi Jon va Ellison Garritlar juftligi o‘rin olgan. Ular o‘zini va o‘g‘lini asteroidlardan qutqarib qolishi kerak.
Oila xavfsiz joy qidirish maqsadida xavfli sayohatga otlanadi. Bu yo‘lda ular tartibsizlikka, vahima va qonunlarning ishlamayotganiga duch keladi. Qaysidir onda qahramonlar bir-birini yo‘qotib ham qo‘yadi, biroq ular yana birlashib, yaqinlashib kelayotgan falokatga qarshi boshpana topishlari lozim bo‘ladi.
“Grenlandiya” filmining premyerasi 25-iyunga mo‘ljallangan.
Izoh (0)