Koronavirus yuqtirib olgan turkiyalik afsonaviy darvozabon Rushtu Rechberning holati yomonlashdi. Bu haqda Turkiya OAVga tayanib Marca xabar qilmoqda.
Ma’lum bo‘lishicha, 30-mart kuni “Barselona” sobiq darvozabonining ahvoli keskin yomonlashgan. Ayni damda 46 yoshli Rechberning sog‘lig‘i xavf ostida turibdi.
Rushtu 28-mart kuni koronavirus tashhisi bilan shifoxonaga yotqizilgandi.
Rushtu Rechber Turkiya terma jamoasida eng ko‘p o‘yin o‘tkazgan (120) futbolchi hisoblanadi. Klub miqyosida darvozabon “Beshiktosh”, “Fenerbaxche”, “Barselona” va “Antalyaspor”da faoliyat yuritgan. Rechber Janubiy Koreya va Yaponiya o‘tgan JCh—2002 musobaqasi orqali ko‘pchilikka yaxshi tanish.
1-aprel holatiga Turkiyada koronavirus yuqtirib olganlar soni 13,5 ming nafardan oshdi. 214 kishi vafot etgan.
Mavzuga doir:
- “Marsel” futbol klubi sobiq prezidenti koronavirusdan vafot etdi
- Aka-uka Ahmedovlar karantin vaqtida Namangandagi muhtoj oilalarga yordam ko‘rsatdi (foto)
- Fotih Terim koronavirusni yengib o‘tdi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)