“Marsel” klubining sobiq prezidenti Pape Diuf koronavirus tufayli 68 yoshida vafot etdi, deya xabar qilmoqda La Provence.
30-mart kuni Diuf og‘ir ahvolda Dakar (Senegal) shifoxonalarining biriga olib kelingan, u yerda unga tibbiy yordam ko‘rsatilgan. Biroq bu yordamlar samara bermagan va “Marsel” sobiq rahbari koronavirus oqibatida o‘lim topgan.
Senegallik funksioner 2005—2009-yillar mobaynida “Marsel” prezidenti bo‘lib faoliyati yuritgan. Bunga qadar Pape sport jurnalisti va futbol agenti bo‘lib ishlagan.
Ayni damda Senegalda koronavirus yuqtirib olganlar soni 175 nafardan oshdi. Diuf esa COVID-19 virusi tufayli vafot etgan mamlakatdagi ilk bemorga aylandi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)