Avstraliyaning Viktoriya shtati Melburn shahrida yo‘lbarssimon ilon ikki boshli ilonni dunyoga keltirdi, deb xabar berdi UPI.
Ushbu sudraluvchi ilon ovchisi Styuard Gett tomonidan o‘z hovlisida tutilgan edi. Styuard ilonni tutib, qopga solib, mashinasiga qo‘yib qo‘ygan. Sal turib mashinasiga nazar tashlagan Styuard ilonning ko‘zi yoriganini ko‘rdi.
Ilonchalardan birining boshi ikkita edi, shuning uchun ilon ovchisi uni veterinarga olib bordi. Veterinar ikki boshli ilonchaning yashab ketolmasligini aytdi va uni jonsizlantirishga qaror qildi.
Ona ilon va boshqa ilonchalar tabiatga qo‘yib yuborilgan.
Qayd etilishicha, yo‘lbarssimon ilon Avstraliya janubi-sharqida yashaydi. Ilonning bunday turi bir vaqtda 30 tagacha ilonni dunyoga keltirishga qodir.
Izoh (0)