Angliyaning York shahridan bo‘lgan hamshira 48 soat shifoxonada ishlagani sabab koronavirus pandemiyasi oqibatida do‘konlarning bo‘shab qolgan peshtaxtalaridan o‘ziga kerakli mahsulotlarni topa olmadi, deb xabar beradi Daily Mail.
51 yoshli Doun Bilbrou uzoq vaqt davom etgan navbatchilikdan so‘ng, dam olish kunlari uchun oziq-ovqat xarid qilish maqsadida mahalliy do‘konlarga kirgan. Biroq koronavirus sabab tovarlarga bo‘lgan talabning ortib ketgani bois u o‘ziga kerakli mahsulotlarni topa olmagan. Ayolning qayd etishicha, meva va sabzavotlar bo‘limi mutlaqo bo‘m-bo‘sh bo‘lgan.
“Odamlar peshtaxtalardan asosiy mahsulotlarni olib ketmoqda. Bunday qilishni to‘xtating. Bo‘lmasa, sizlarni oyoqqa turg‘izishga urinayotgan men kabilar ovqatsiz qolyapti. Iltimos, to‘xtanglar”, — deb yig‘lab yubordi hamshira. Bilbrou o‘zining videomurojaatini Facebook’dagi sahifasiga joylagan. Rolik e’lon qilingach, u do‘stlari va qarindoshlaridan ko‘plab qo‘llab-quvvatlov so‘zlarini eshitgan.
Tarmoq foydalanuvchilaridan biri Bilbrouga hamdardlik bildirib, o‘z mahsulotlari bilan bo‘lishishga tayyorligini aytgan: “Doun, iltimos yig‘lama! Men izolyatsiyadaman. Bir qop kartoshka va sabzim, shuningdek, tarvuzim bor. Men bularning barchasini uyimning burchagida qoldirishim mumkin. Iltimos, yig‘lama”.
Mavzuga doir:
- O‘zbekistonda supermarketlar rastalarini bo‘shatgan ommaviy vahima qanday yuzaga keldi? Psixolog izoh berdi
- Koronavirus dunyo bo‘ylab do‘konlarni ship-shiydam qildi. Odamlar sanitayzerlar, hojatxona qog‘ozi va suli sutini bitta qoldirmay sotib olmoqda
- Butun dunyo shifokorlari odamlarni uyda qolishga chorlab chellenj boshladi (foto)
- “Mahsulotlar yetishmovchiligi bo‘lmaydi”. Qishloq xo‘jaligi vazirligi rasmiy bayonot bilan chiqdi
Izoh (0)