Video: Tibbiyot fanlari doktori koronavirusdan himoyalanishda immunitetni oshiradigan taomlar iste’mol qilish lozimligini aytdi

Tibbiyot fanlari doktori, professor Xayrulla Mustafoyev “O‘zbekiston 24” telekanali orqali efirga uzatilgan dasturda koronavirus, uning kelib chiqish sabablari va o‘ziga xos xususiyatlari haqida ma’lumot berdi. Shuningdek, intervyu davomida koronavirusdan himoyalanish va immunitetni mustahkamlashda e’tibor qaratish lozim bo‘lgan jihatlarga ham to‘xtaldi.

Inson yuqori koloriyali taomlar iste’mol qilishi kerak. Yoshga qarab go‘shtli mahsulotlar, yoshi kattaroq insonlar yog‘sizroq go‘sht, iloji boricha qaynatilgan mol go‘shti iste’mol qilishi kerak.

Fasllar almashinuvida odam organizmida holsizlanish kuzatiladi. Go‘sht yaxshilab qaynatilgan bo‘lishi lozim, ko‘katlar va qatiqdan bahoriy salatlar tayyorlash kerak. Vitaminlarga boy, yuqori koloriyaga ega taomlar iste’mol qilish kerak. Bu faqat go‘sht yeyish kerak degani emas, haftalik ratsion har xil bo‘lishi kerak, ana shunda inson immuniteti kuchayadi.

Xayrulla Mustafoyev, tibbiyot fanlari doktori, professor

11-mart kuni Fransiyadan (virus 15-mart kuni aniqlangan), 14-mart kuni Buyuk Britaniyadan, 15-mart kuni Turkiyadan qaytgan, shuningdek, Dubaydan qaytgan jami to‘rt nafar fuqaroda koronavirus infeksiyasi aniqlangani haqida xabar berilgan edi.

Keyinchalik O‘zbekistondagi rasman birinchi koronavirus tashuvchisiga aylangan oliy toifali shifokor ayolning onasi, kelini va birga ishlaydigan hamkasbida ham koronavirus aniqlangan va shu tariqa O‘zbekistonda COVID-19 koronavirusi bilan kasallanganlar soni 18 nafarga yetgandi.