O‘zbekistonda koronavirus aniqlangan ilk bemor Uzbekistan Airways’ning 10-martdagi Parij—Toshkent reysida kelgan (reys Toshkent vaqti bilan 11-martga o‘tar kechasi qo‘ngan). Bu haqda “Interfaks” agentligi o‘z manbasiga asoslanib xabar bermoqda.Avvalroq O‘zbekistonda 15-mart, yakshanba kuni, soat 6:00 da koronavirusga chalinish bilan bog‘liq ilk holat qayd etilgani, bemor o‘zbekistonlik ayol ekani haqida xabar berilgan edi. So‘nggi ma’lumotlarga ko‘ra, uning oila a’zolari ham tibbiy kuzatuvga olingan.Ma’lumot uchun, O‘zbekiston 14-martdan Fransiya bilan aviaqatnovlarni to‘xtatgan edi. Shuningdek, Tashqi ishlar vazirligi 14-mart kuni o‘zbekistonliklarga vaqtincha Fransiyaga bormay turishni tavsiya qilgan edi. Undan avvalroq, 4-mart kuni Fransiyadan qaytgan fuqarolar, agar oxirgi tashrifidan 14 kundan kam vaqt o‘tgan bo‘lsa, uy sharoitida izolyatsiya (uy karantini)ga olinishi ma’lum qilingan edi.
Mavzuga doir: O‘zbekistonda koronavirus qayd etilganidan so‘ng Toshkentda niqob taqib yurganlar soni ko‘paydi (fotoreportaj)
“Interfaks”ning qo‘shimcha qilishicha, Parijdan Toshkentga bemor ayol bilan birga yana 48 yo‘lovchi va 9 nafar ekipaj a’zosi uchib kelgan. Ular orasida 24 nafar tranzit yo‘lovchi, jumladan, to‘rt nafar fransiyalik, bir nafardan Italiya va Braziliya fuqarolari bo‘lgan.
Mavzuga doir:
- Manba: Koronavirus aniqlangan o‘zbekistonlik ayol bilan birga 48 yo‘lovchi Parijdan uchib kelgan
- O‘zbekistonda koronavirus aniqlangan ilk bemorni olib kelgan reysning barcha yo‘lovchilari izolyatsiya qilinadi
- O‘zbekistonda koronavirusga chalinish bilan bog‘liq birinchi holat qayd etildi. Bemor Fransiyadan kelgan
Izoh (0)