Ўзбекистонда коронавирус аниқланган илк бемор Uzbekistan Airways’нинг 10 мартдаги Париж—Тошкент рейсида келган (рейс Тошкент вақти билан 11 мартга ўтар кечаси қўнган). Бу ҳақда «Интерфакс» агентлиги ўз манбасига асосланиб хабар бермоқда.Аввалроқ Ўзбекистонда 15 март, якшанба куни, соат 6:00 да коронавирусга чалиниш билан боғлиқ илк ҳолат қайд этилгани, бемор ўзбекистонлик аёл экани ҳақида хабар берилган эди. Сўнгги маълумотларга кўра, унинг оила аъзолари ҳам тиббий кузатувга олинган.Маълумот учун, Ўзбекистон 14 мартдан Франция билан авиақатновларни тўхтатган эди. Шунингдек, Ташқи ишлар вазирлиги 14 март куни ўзбекистонликларга вақтинча Францияга бормай туришни тавсия қилган эди. Ундан аввалроқ, 4 март куни Франциядан қайтган фуқаролар, агар охирги ташрифидан 14 кундан кам вақт ўтган бўлса, уй шароитида изоляция (уй карантини)га олиниши маълум қилинган эди.
Мавзуга доир: Ўзбекистонда коронавирус қайд этилганидан сўнг Тошкентда ниқоб тақиб юрганлар сони кўпайди (фоторепортаж)
«Интерфакс»нинг қўшимча қилишича, Париждан Тошкентга бемор аёл билан бирга яна 48 йўловчи ва 9 нафар экипаж аъзоси учиб келган. Улар орасида 24 нафар транзит йўловчи, жумладан, тўрт нафар франциялик, бир нафардан Италия ва Бразилия фуқаролари бўлган.
Мавзуга доир:
Изоҳ (0)