Rossiyaning Saratov viloyati Yershovskiy tumanida ikki avtomobil ishtirokida to‘qnashuv yuz berdi. Hodisa oqibatida olti kishi tan jarohati olgan. “RBK”ning yozishicha, jabrlanuvchilarning bari O‘zbekiston fuqarolari.
“TASS” xabariga ko‘ra, avariya Largus va Lexus avtomobillari ishtirokida yuz bergan. Jabrlanuvchi erkaklar Largus’da bo‘lgan, ular kasalxonaga yotqizilgan. O‘zbekiston fuqarolarining joriy ahvoli haqida hozircha axborot yo‘q.
Lexus’da esa erkak, ayol va 2011 va 2012-yillarda tug‘ilgan ikki nafar bola bo‘lgan. Ular biroz lat yegan, ahvoli qoniqarli deb baholanmoqda. Voqea Qozog‘iston chegarasiga olib boruvchi yo‘lda sodir bo‘lgan.
Mahalliy yo‘l harakati xavfsizligi boshqarmasidan ma’lum qilishlaricha, Lada Largus avtomobili yo‘lning qarama-qarshi qatnov qismiga chiqib borishi natijasida Lexus bilan to‘qnashib ketgan, deb taxmin qilinmoqda.
Izoh (0)