O‘zbekistondan 1905-yilda ishlab chiqarilgan tarixiy samovarni olib chiqib ketishga urinish holati aniqlandi va buning oldi olindi. Bu haqda Davlat bojxona qo‘mitasi xabar berdi.
Ma’lum qilinishicha, Toshkent viloyatidagi S.Najimov chegara bojxona postiga Toyota Camry rusumli avtotransport vositasida kirib kelgan fuqaro Yu.Sh.ning qo‘l yuklari bojxona nazoratidan o‘tkazilgan.
Tekshiruvda ushbu fuqaroning qo‘l yuklari orasida yo‘lovchi bojxona deklaratsiyasida ko‘rsatilmagan va og‘zaki so‘rovda aytilmagan bir dona 1905-yilda Tula shahrida ishlab chiqarilgan “M.Slogozberg” nomli samovar borligi aniqlangan. Fuqaro mazkur samovarni qo‘shni davlatga olib chiqmoqchi bo‘lgan.
Hozirda ushbu holat yuzasidan bojxona organlari tomonidan surishtiruv harakatlari davom ettirilmoqda.
Izoh (0)