Ўзбекистондан 1905 йилда ишлаб чиқарилган тарихий самоварни олиб чиқиб кетишга уриниш ҳолати аниқланди ва бунинг олди олинди. Бу ҳақда Давлат божхона қўмитаси хабар берди.
Маълум қилинишича, Тошкент вилоятидаги С.Нажимов чегара божхона постига Toyota Camry русумли автотранспорт воситасида кириб келган фуқаро Ю.Ш.нинг қўл юклари божхона назоратидан ўтказилган.
Текширувда ушбу фуқаронинг қўл юклари орасида йўловчи божхона декларациясида кўрсатилмаган ва оғзаки сўровда айтилмаган бир дона 1905 йилда Тула шаҳрида ишлаб чиқарилган «М.Слогозберг» номли самовар борлиги аниқланган. Фуқаро мазкур самоварни қўшни давлатга олиб чиқмоқчи бўлган.
Ҳозирда ушбу ҳолат юзасидан божхона органлари томонидан суриштирув ҳаракатлари давом эттирилмоқда.
Изоҳ (0)