Farg‘ona viloyati O‘zbekiston tumanidagi “K.O.” fermer xo‘jaligi rahbari shikoyat bilan huquq-tartibot organlariga murojaat qildi, deya xabar bermoqda Bosh prokuratura matbuot xizmati.
Ma’lum bo‘lishicha, fuqaro A.I. va boshqalar 2019-yilning may oyida fermer xo‘jaligi rahbarining xabarisiz, uning nomidan soxta hujjatlarni rasmiylashtirgan va 522 ming dollarlik meva-sabzavotlarni qo‘shni Qirg‘izistonga eksport qilgan.
“Buning natijasida fermer xo‘jaligi zarariga asossiz ravishda debitor qarzdorlik vujudga kelganligi aniqlangan”, — deyiladi Bosh prokuratura axborotida.
Qayd etishlaricha, holat yuzasidan fuqaro A.I. va boshqalarga nisbatan jinoyat ishi qo‘zg‘atilgan, tergov olib borilmoqda.
Izoh (0)