Namangan shahrida yangi kutubxona taqdimoti o‘tkazildi. Bu haqda “Daryo” muxbiri Azizbek Abduvaliyev xabar bermoqda.
6400 kvadrat metr maydonga ega mazkur inshoot shaharning eng ko‘rkam binolaridan biri bo‘lishi, bu yerda Davlatobod dahasi aholisi uchun zamonaviy ziyo maskani qad rostlashi kutilmoqda.
Loyiha me’mori, turkiyalik mutaxassis Guray Kaymakning aytishicha, Turkiyada Prezident Shavkat Mirziyoyevning tashrifi chog‘ida ochilgan xalq kutubxonasiga monand 4 qavatli kutubxonada bir paytning o‘zida 500 nafar kitobxonga xizmat ko‘rsatiladi. Uni barpo etish jarayonida eng zamonaviy qurilish materiallari ishlatiladi.
Kutubxona bir necha yuz ming kitobga mo‘ljallangan arxiv, o‘qish zallari, kompyuter xonalari, qahvaxona, bolalar maydonchasi va favvoralardan iborat bo‘ladi.
Bino qurilishi uchun 25 milliard so‘m ajratilgan bo‘lib, kutubxona shu yil sentabr oyida foydalanishga topshirilishi ko‘zda tutilgan.
Izoh (0)