O‘zbekistonda 2017—2019-yillar mobaynida ishlab chiqarish bilan bog‘liq baxtsiz hodisalarda 543 nafar xodim halok bo‘lgan, 1214 nafari esa og‘ir tan jarohati olgan. Bu haqda Bandlik va mehnat munosabatlari vazirligi “Daryo”ga ma’lum qildi.
Mamlakatda ishlab chiqarish bilan bog‘liq baxtsiz hodisalar soni 2019-yilda 2017-yilga nisbatan o‘rta hisobda 21 foizga ko‘paygan: 2019-yilda yuz bergan 574 baxtsiz hodisa oqibatida 649 nafar xodim jabrlangan, shundan 199 nafari halok bo‘lgan, 440 nafari og‘ir va 10 nafari yengil tan jarohati olgan.
2019-yilda sodir bo‘lgan baxtsiz hodisalar oqibatida halok bo‘lganlar soni 2018-yilga nisbatan Qoraqalpog‘iston Respublikasi va Surxondaryo viloyatida to‘rttaga, Buxoro va Xorazm viloyatlarida beshtaga, Navoiy viloyatida oltitaga va Toshkent shahrida 15 taga ko‘paygan.
Qayd etishlaricha, baxtsiz hodisalar
- qurilish sohasida ish hajmining oshishi bilan bir vaqtda texnologik jarayonning murakkablashishi, saqlovchi moslamalar va to‘siqlar mavjud emasligi;
- xodimlar shaxsiy himoya vositalari bilan ta’minlanmagani;
- loyiha hujjatlariga va ishlab chiqarish texnologik talablariga amal qilmaslik;
- xodimlarning mehnati noto‘g‘ri tashkil qilinganligi;
- xavfsiz mehnat usullariga o‘qitilib, yo‘l-yo‘riqdan o‘tkazilmagan shaxslarning ishga qo‘yilgani;
- xodimlarni majburiy tibbiy ko‘rikdan o‘tkazmaslik va sanitariya-maishiy sharoitlar yaratilmaganlik holatlari mavjudligi
Izoh (0)