Ўзбекистонда 2017—2019 йиллар мобайнида ишлаб чиқариш билан боғлиқ бахтсиз ҳодисаларда 543 нафар ходим ҳалок бўлган, 1214 нафари эса оғир тан жароҳати олган. Бу ҳақда Бандлик ва меҳнат муносабатлари вазирлиги «Дарё»га маълум қилди.
Мамлакатда ишлаб чиқариш билан боғлиқ бахтсиз ҳодисалар сони 2019 йилда 2017 йилга нисбатан ўрта ҳисобда 21 фоизга кўпайган: 2019 йилда юз берган 574 бахтсиз ҳодиса оқибатида 649 нафар ходим жабрланган, шундан 199 нафари ҳалок бўлган, 440 нафари оғир ва 10 нафари енгил тан жароҳати олган.
2019 йилда содир бўлган бахтсиз ҳодисалар оқибатида ҳалок бўлганлар сони 2018 йилга нисбатан Қорақалпоғистон Республикаси ва Сурхондарё вилоятида тўрттага, Бухоро ва Хоразм вилоятларида бештага, Навоий вилоятида олтитага ва Тошкент шаҳрида 15 тага кўпайган.
Қайд этишларича, бахтсиз ҳодисалар
- қурилиш соҳасида иш ҳажмининг ошиши билан бир вақтда технологик жараённинг мураккаблашиши, сақловчи мосламалар ва тўсиқлар мавжуд эмаслиги;
- ходимлар шахсий ҳимоя воситалари билан таъминланмагани;
- лойиҳа ҳужжатларига ва ишлаб чиқариш технологик талабларига амал қилмаслик;
- ходимларнинг меҳнати нотўғри ташкил қилинганлиги;
- хавфсиз меҳнат усулларига ўқитилиб, йўл-йўриқдан ўтказилмаган шахсларнинг ишга қўйилгани;
- ходимларни мажбурий тиббий кўрикдан ўтказмаслик ва санитария-маиший шароитлар яратилмаганлик ҳолатлари мавжудлиги
Изоҳ (0)