Toshkent shahri Yashnobod tumani “Ashxobod” dam olish maskani yonidagi yerda qurilish ishlari olib borilishi munosabati bilan u yerdagi 152 dona daraxt “Ashxobod” ko‘ngilochar maskani hududiga ko‘chirilgani xabar berilgan edi. Biroq aniqlanishicha, ko‘chirib o‘tkazish jarayonida 7 dona daraxtga o‘sishdan to‘xtash darajasida shikast yetkazilgan.
Ekologiya va atrof muhitni muhofaza qilish davlat qo‘mitasining xabar berishicha, bu bilan “O‘simlik dunyosini muhofaza qilish va undan foydalanish to‘g‘risida”gi qonunning va Vazirlar Mahkamasining 2019-yil 17-yanvardagi qarorining talablari buzilgan.
Aniqlangan huquqbuzarlik yuzasidan zarur hujjatlar rasmiylashtirilib, huquqbuzar shaxslar ma’muriy javobgarlikka tortildi.
Ta’kidlanishicha, mazkur hududda daraxtlarning noqonuniy kesilish holatlari aniqlanmagan.
Izoh (0)