Тошкент шаҳри Яшнобод тумани «Ашхобод» дам олиш маскани ёнидаги ерда қурилиш ишлари олиб борилиши муносабати билан у ердаги 152 дона дарахт «Ашхобод» кўнгилочар маскани ҳудудига кўчирилгани хабар берилган эди. Бироқ аниқланишича, кўчириб ўтказиш жараёнида 7 дона дарахтга ўсишдан тўхташ даражасида шикаст етказилган.
Экология ва атроф муҳитни муҳофаза қилиш давлат қўмитасининг хабар беришича, бу билан «Ўсимлик дунёсини муҳофаза қилиш ва ундан фойдаланиш тўғрисида»ги қонуннинг ва Вазирлар Маҳкамасининг 2019 йил 17 январдаги қарорининг талаблари бузилган.
Аниқланган ҳуқуқбузарлик юзасидан зарур ҳужжатлар расмийлаштирилиб, ҳуқуқбузар шахслар маъмурий жавобгарликка тортилди.
Таъкидланишича, мазкур ҳудудда дарахтларнинг ноқонуний кесилиш ҳолатлари аниқланмаган.
Изоҳ (0)