Prezident Shavkat Mirziyoyev 31-yanvar kuni olimlar va yosh tadqiqotchilar bilan bo‘lib o‘tgan uchrashuvda O‘zbekiston Milliy universitetining 2-kurs magistratura talabasi Yusuf Absoatovni oliy va o‘rta maxsus ta’lim vaziri o‘rinbosari lavozimiga tavsiya qildi, deya xabar bermoqda “Daryo” muxbiri.
Uchrashuvda so‘zga chiqqan Yusuf Absoatov ta’lim sohasiga oid takliflarni ilgari surgan. Jumladan, u OTMlar va maktablarni elektron tarzda o‘zaro ulab, onlayn darslar tashkil etish g‘oyasi haqida so‘zlab bergan. Shuningdek, qishloqlarda internet sifatini oshirish muhim ahamiyatga ega ekanligini ta’kidlagan.
Prezident, 30 yoshli magistrantning so‘zlarini tinglab, uni oliy va o‘rta maxsus ta’lim vazirining yangi ta’sis etilishi kutilayotgan axborot texnologiyalari bo‘yicha o‘rinbosari lavozimiga tavsiya qilgan.
Xuddi shu tadbirdan boshqa yangiliklar:
- Shavkat Mirziyoyev amaldorlar mol-mulkining daromadiga muvofiqligi tekshirilishi haqida gapirdi
- Shavkat Mirziyoyev — koronavirus haqida: “Xalqimiz xavfsizligini o‘ylashimiz kerak”
- Prezident tumanlar markazida matematika faniga ixtisoslashtirilgan maktab tashkil etish haqida ko‘rsatma berdi
- Shavkat Mirziyoyev olimlarni moddiy va ma’naviy qo‘llab-quvvatlash davom ettirilishini aytdi
Izoh (0)