Estoniya parlamenti ota-onasi mustaqillikka erishilguniga qadar mamlakatda yashagan farzandlarga soddalashtirilgan tartibda fuqarolik olish imkoniyatini beruvchi qonun loyihasini ma’qulladi. 101 nafar deputatning 64 tasi hujjatni yoqlab ovoz bergan, 26 deputat ushbu loyihani ma’qullamagan. Bu haqda “Kommersant” xabar qildi.
Soddalashtirilgan tartibda fuqarolik olish imkoniyatidan ota-onasi “kulrang”, ya’ni fuqaroligi yo‘q shaxs hujjatiga ega oilalarning farzandlari, shuningdek, otasi yoki onasi, buvisi yo buvasi “kulrang pasport”ga ega va mamlakatda 1991-yil 20-avgustidan avval yashagan yoshlar, shu bilan birga, otasi yoxud onasi boshqa davlat fuqarosi hisoblanuvchi yigit-qizlar foydalanishi mumkin.
Mamlakatda, asosan, Sobiq Ittifoq davrida Estoniyaga borib qolgan fuqarolar “kulrang pasport”ga ega, ular ittifoq parchalanganidan keyin na Estoniya va na Rossiya fuqaroligini olmagan. Bunday odamlar xorijliklarga beriladigan pasport bilan yashaydi va undan mamlakat hududida, shuningdek, xorijga chiqqanda ham foydalana oladi.
Izoh (0)